Qiziltepa tuman 2-son texnikum

Joriy yilning 2-mart kuni Qiziltepa tuman 2-son texnikumida “Kasbiy va maxsus fanlar oyligi”ning tantanali ochilish marosimi bo‘lib o‘tdi. 🎉📚
Tadbir avvalida texnikum rahbariyati hamda ustozlar tomonidan oylikning maqsad va vazifalari haqida so‘z yuritilib, o‘quvchilarning kasbiy bilim va ko‘nikmalarini yanada mustahkamlash, ularning ijodiy va amaliy salohiyatini namoyon etish muhim ahamiyat kasb etishi ta’kidlandi.
Ochilish marosimi milliy ruh va an’analarga boy tarzda tashkil etildi. 🇺🇿✨ O‘quvchilar tomonidan tayyorlangan badiiy chiqishlar hamda milliy kuy-qo‘shiqlar tadbirga o‘zgacha ko‘tarinkilik baxsh etdi.
💙Shuningdek, kasbiy yo‘nalishlar bo‘yicha ko‘rgazmalar tashkil etilib, o‘quvchilarning amaliyot jarayonida bajargan ishlari namoyish qilindi.
🛠️🧵💻 💙Har bir yo‘nalish o‘zining ijodiy ishlari, texnik loyihalari va amaliy mahsulotlari bilan ishtirok etdi. Bu esa o‘quvchilarning kasbga bo‘lgan qiziqishi va mas’uliyatini yaqqol ko‘rsatdi.

📌Qiziltepa tuman 2-son texnikumida joriy yilning 28-fevral kuni O'zbekiston Respublikasi Prezidenti Shavkat Mirziyoyevning yoshlar bilan ularning tashabbuslarini qo‘llab-quvvatlash hamda ularga qo‘shimcha imkoniyatlar yaratishga bag‘ishlangan muloqoti mazmun-mohiyatini keng targ‘ib etish maqsadida ma’naviy-ma’rifiy uchrashuv tashkil etildi.

❤️Tadbir davomida texnikum direktori M. Bobonazarova tomonidan mazkur muloqotda ilgari surilgan muhim tashabbuslar, yoshlar uchun yaratilayotgan sharoitlar, ta’lim, bandlik va tadbirkorlikni qo‘llab-quvvatlash borasidagi imkoniyatlar haqida batafsil ma’ruza qilindi. Prezidentimiz tomonidan yoshlarning bilim olishi, zamonaviy kasb-hunar egallashi, chet tillarini o‘rganishi hamda innovatsion g‘oyalarini ro‘yobga chiqarishi uchun keng imkoniyatlar yaratilayotgani alohida ta’kidlab o‘tildi.

❤️Ma’ruza yakunida o‘quvchi-yoshlar bilan ochiq muloqot tashkil etilib, ularni qiziqtirgan savollarga atroflicha javob berildi. Muhokamalar jarayonida yoshlar o‘z fikr-mulohazalari va takliflarini bildirdilar. Tadbir o‘quvchilarda yurt ravnaqi yo‘lida faol bo‘lish, berilgan imkoniyatlardan samarali foydalanish hamda o‘z ustida tinimsiz ishlash zarurligi haqida mustahkam tushuncha hosil qildi.

Qiziltepa tuman 2-son texnikumi jamoasi yoshlar orasida ekologik madaniyatni oshirish, tabiatni asrash va atrof-muhitni muhofaza qilishga qaratilgan “Siz ekologiyaga oid qonunlarni bilasizmi?” respublika ko‘rik-tanlovining viloyat bosqichida faol ishtirok etdi. Tanlov davomida texnikumning “Ekolife” jamoasi o‘z bilim va salohiyatini namoyon etib, faxrli 3-o‘rinni qo‘lga kiritdi.